Sunday, September 27, 2009

സ്ത്രീ പക്ഷം



----------------------------------------



കടക്കണ്ണില്‍ നീല നക്ഷത്രങ്ങള്‍
തഴപ്പായ്‌ വിരിക്കുന്നു
തിമിര കിനാക്കളുടെ പ്രേത ഗെഹങ്ങള്‍
നിന്നില്‍ മാംസദാഹം തേടുന്നു
നീ അബല , വെറും ചപല
വാത്സല്യ സാഗരത്തിന്‍ ദുര്‍ബല
ക്ഷണികമെങ്കിലും ഈ യാമങ്ങളിലെ
ഹൃദയ കാമിനി , കുത്തൊഴുക്കിന്റെ
വികാര വേഗങ്ങള്‍ക്കൊരു മാത്ര തടയണ
ജന്മാന്തരങ്ങളുടെ കണ്ണികള്‍
നിന്‍റെ ഗര്‍ഭാഗ്നിയില്‍ ഉരുകിയുറയുന്നു


''ന: സ്ത്രീ സ്വാതന്ത്ര മര്‍ഹതി: .."
മനു സ്മൃതിയിലെ സ്ത്രെയ്ന്ന ദര്‍ശനത്തിനു
ആധുനികോത്തരത്തിന്‍റെ വസ്ത്രാക്ഷേപം !
ചൊല്ലേണ്ടത് ഇതാണ് പെണ്ണെഴുത്തെ-
'' യത്ര: നാര്യസ്തു പൂജ്യന്തേ , രമന്തേ തത്ര ദേവത:..."

ഫെമിനിസം
തിരശീലക്കു പിന്നില്‍,
പൌരുഷത്തിനു
കിടപ്പായ്‌ വിരിക്കുന്നു ....
വിത്തിടാനുള്ള
വിളനിലമല്ല നീയെങ്കില്‍ ,
കളകള്‍ കൂട്ടമായ്‌
അന്ത്യകൂദാശ
ചൊല്ലട്ടെ !


താണ്ടുവാനേരെയുണ്ട് കാതങ്ങള്‍ ,
പൂംകോഴിയൊന്നു കൂവട്ടെ;
പിട കോഴികള്‍ കൂവുമോ?
നോക്കാം, നമുക്കത് ചര്‍ച്ച ചെയ്യാം ,
രതിയുടെ നീല വേലിയെട്ടങ്ങള്‍ക്കൊടുവില്‍.,
സ്ത്രീ പക്ഷ വേദികളില്‍ ,
നാളെകളുടെ സെമിനാറുകളില്‍ ,
തണുപ്പിന്റെ ആഘോഷങ്ങളില്‍ ..
അസ്ഥികള്‍ ഉറയുന്നു
നീ രക്തമുറയാത്ത എന്‍റെ വലിയ
മുറിവായി മാറുന്നു.
നിറമാറിലൊരു അഭയം
അമൃത ധാരയില്‍ എന്‍റെ യൌവനം
മിഴികളടക്കുന്നു.


നീയറിയുക , ജനിക്കും , മൃതിക്കും
ഞാന്‍ മുന്‍കൈ എടുക്കേണ്ടവന്‍.
ഋതുകാല സന്ധ്യകളുടെ ഭാരങ്ങള്‍ ചുമക്കുന്നോന്‍.
ആദിയും, അന്തവും ശയന ദൂരങ്ങളില്‍
മുറിവേറ്റു ചിതറുന്നു .
പ്രേത നര്‍ത്തനങ്ങളില്‍ താഴെ നീ -
എന്നും ഭവിക്കുക; ഭൂമിക്കധിപനാം ഞാന്‍
നിന്നില്‍ മീതെ ശയിച്ചോട്ടെ !


സ്ത്രൈണതേ,നീയെന്‍റെ ശക്തിയായ് ,
ഗംഗയായ് ,പ്രാണ പ്രകൃതിയായ് ,
സര്‍വം സഹയായ് ഈ നോവിന്‍റെ
പ്രാണ ഭാരം പേറുക ..
സൃഷ്ടി സ്ഥിതികളെ ജന്മം ധരിക്കുക ,
വീണ്ടും തുടരുക.., വീണ്ടും..



-------------------------------------------

8 comments:

  1. ''ന: സ്ത്രീ സ്വാതന്ത്ര മര്‍ഹതി .." athe.... kaalam srhreeye purushanu keezhil thalakkaan konduvanna maha vedham...!!
    manusmrithi!!

    keep writing dear...

    ReplyDelete
  2. sthreeye ennum purushante adimayaayi kaanunnathu ethu kaalathinteyum saapam.

    ReplyDelete
  3. നിറമാറിലൊരു അഭയം
    അമൃത ധാരയില്‍ എന്‍റെ യൌവനം
    മിഴികളടക്കുന്നു....

    ReplyDelete
  4. sthree thanne ammayum. sthree thanne bhaaryayum.... aarum chinthikkunnilla.... kavitha nannaayi...

    ReplyDelete
  5. സൃഷ്ടി സ്ഥിതികളെ ജന്മം ധരിക്കുക ,
    വീണ്ടും തുടരുക.., വീണ്ടും..

    ReplyDelete
  6. നീയറിയുക , ജനിക്കും , മൃതിക്കും
    ഞാന്‍ മുന്‍കൈ എടുക്കേണ്ടവന്‍.
    ഋതുകാല സന്ധ്യകളുടെ ഭാരങ്ങള്‍ ചുമക്കുന്നോന്‍.
    ആദിയും, അന്തവും ശയന ദൂരങ്ങളില്‍
    മുറിവേറ്റു ചിതറുന്നു ...


    good thougths manu...

    ReplyDelete