________________________________
വെയിൽ നനഞ്ഞ
മഴകളിൽ
പ്രണയം കുട
നിവർത്തുന്നവളെ ,
അരുത്,
മഴത്തുള്ളികളുടെ
ഈറന് കാഴ്ചകളില്
നീയെന്നെ മോഹിക്കരുത്.
മഴമേഘഗര്ജനങ്ങൾ
ഉതിരും ഇടവരാവുകളില്
ശരറാന്തല് അണക്കാതെ
നീയെന്നെ ചുംബിക്കരുത്.
ഇടി മുഴക്കങ്ങളിൽ
ചുണ്ടുകൾ കോർക്കുന്നവളെ
മണ്ണിൻ ഉന്മാദ ഗന്ധത്തിൽ
പ്രണയ മന്ത്രമോതുന്നവളെ ,
നീ വിട പറയുമ്പോൾ ,
നെഞ്ചിലൂടോഴുകുന്നുണ്ട്
വെയിൽ നനഞ്ഞൊരു
മഴ
______________________________
ഒടുവില് ,
ReplyDeleteനീ പെയ്തൊഴിയുമ്പോള്,
കരഞ്ഞടങ്ങുമ്പോള് ,
ഇല താളുകളില്
മുകില് മുത്തുകള് വാരി വിതറി
വഴി മാറുമ്പോള് ,
ഞാന് നിന്നെ മോഹിക്കുന്നു..
മഴത്തുള്ളികളില് ഒടുങ്ങുന്ന
ReplyDeleteഈറന് കാഴ്ച്ചകളിലെന്ന പോല് ...
വെറുതെ കൊതിക്കുന്നു .....
നന്നായിരിക്കുന്നു മനൂ..