Friday, March 14, 2014

ചുവപ്പ് പൂക്കുന്ന വേനലിൽ.




_______________________________ 

ശരിക്കും 
ഒരുച്ച ചൂടിലാകാമത്-
ആകാശം തുളച്ച് 
ഇലപ്പടര്പ്പു കരിച്ച് 
ചുവപ്പ് 
മണ്ണിലേക്ക് നൂഴ്ന്നിറങ്ങുന്നത്.

അതെ-
കണ്ടില്ലെന്നു പറയരുത്, 
മൌനം 
നടിക്കരുത് ,
മീനച്ചൂടിലൊരു 
ഗംഭീര നാദം,
തൊണ്ട കീറിയൊരു 
ഉഷ്ണക്കാറ്റ് 
പോടി വിതറി 
പൂത്തത്.

തെരുവിലൊരു പെണ്ണിൻ 
വിയർപ്പിൽ ചുഴിഞ്ഞ് 
ചുവപ്പ് ചേല ഉയര്ന്നത്.
ഓര്മയിലൊരു 
ജപ്തി നോട്ടിസിൻ 
ഏപ്രിൽ ചിരിയിൽ 
ചുവപ്പ് നാടകൾ 
പുലഭ്യം പറഞ്ഞത്.

****** ********* ******** ********
വേനലിൻ സീൽക്കാരമേ,
അലറുന്ന ഉഷ്ണച്ചൂടേ 
കൊക്കിലൊരു നോവുമായീ 
മുറിവ് പകുക്കുക.

ഒരു നിമിഷം-
നട്ടുച്ച മൂർച്ഛയുടെ 
ഒറ്റ നിമിഷം 
പ്രാണന്റെയീ 
കൊടും ചൂടിനെ 
കൊത്തിയെടുക്കുക.
വേഷങ്ങളുടെ 
ഋതു വേഗങ്ങളെ 
വേനൽ കിനാവുകളിൽ 
പകരുക ; ലഹരിയുടെ 
തളികയിൽ 
പ്രണയം നിരത്തുക.
ആത്മ വീര്യം നുരയും 
സിരകളിൽ 
വസന്തം നിറക്കുക

****** ********* ******** ********
ചുവപ്പ് പൂക്കുമീ 
വേനൽ വീണ്ടും 
വസന്തമാകുമയാണ് -

തൊണ്ട നീറുമീ ആദി ദാഹത്തിലേക്ക്,
ഓർമ്മകൾ മൂടുമീ ചെമ്മണ്ണില്ലേക്ക്,
നീര് വറ്റിയ 
ഹൃദയങ്ങളിലേക്ക്,
വറുതിയിലേക്ക്,
സ്നേഹ ശൂന്യതയിലേക്ക്,
പ്രണയത്തിലേക്ക്,
അന്യതബോധങ്ങളിലേക്ക്,
നിരാസങ്ങളിലേക്ക്,
ഓഫീസിലേക്ക്,
മദ്യശാലയിലേക്ക്,
വേശ്യാലയങ്ങളിലേക്ക്,
തെരുവിലേക്ക്,
ആദി വിശപ്പിന്റെ 
കൊടും മൌനത്തിലേക്ക്‌,
വർത്തമാനങ്ങളുടെ 
പാഴ് കാഴ്ചകളിലേക്ക്.

****** ********* ******** ********
ഒന്നുറങ്ങുംന്നേരം 
കെട്ട കാലത്തേക്ക് 
ചുഴറ്റിയെറിയുന്ന 
ഉച്ചക്കാറ്റേ ,
ചുടു വിയർപ്പേ 
പ്രാണ നിശ്വാസമേ 
വേനലിന്റെ വസന്തമായി 
നീ ചോര തുപ്പിയല്ലോ 
വരണ്ട മണ്ണിലേക്കീ 
വേനൽ പൂക്കൾ.
________________________________

(Image Courtesy- Art by Gireeshkumar)

28 comments:

  1. നല്ല കവിത ..
    വരികൾ ഒരുപാടു കഥകൾ പറയുന്നുണ്ട് .

    ReplyDelete
    Replies
    1. ഋതുക്കൾ കുറിക്കുന്ന കഥകളല്ലോ നാമും...
      നന്ദി.. :)

      Delete
  2. വസന്തം നിറയുന്നു

    ReplyDelete
    Replies
    1. ചുവപ്പു പൂക്കുന്ന
      വേനലുമൊരു
      വസന്തം.

      നന്ദി ചിഞ്ചു...

      Delete
  3. ഉച്ചക്കാറ്റിന്റെയുഷ്ണം

    ReplyDelete
    Replies
    1. നെഞ്ചു പൊള്ളുന്ന വേനലല്ലോ ജീവിതം..
      എത്ര കുളിര് തേടിയാലും അടങ്ങാതെ..

      നന്ദി അജിത്തേട്ടൻ

      Delete
  4. Replies
    1. സ്നേഹം മഞ്ഞുതുള്ളീ.. :)

      Delete
  5. നന്നായിരിക്കുന്നുു

    ReplyDelete
  6. വേനലിന്‍റെ സീല്‍ക്കാര വരികള്‍ അത്യുഗ്രന്‍ ,,,,,,

    ReplyDelete
    Replies
    1. ഏതു വേനലിലും
      കുളിരുമായെത്തുന്ന
      ഒരു തുണ്ട് മേഘ സ്വപ്നം ..
      മഴക്കാലം...

      കാത്തിരിപ്പ്‌ ..ജീവിതം...

      നന്ദി സോണി.

      Delete
  7. വേനൽ വസന്തത്തിന്റെ രക്തകമ്പളങ്ങൾ

    നല്ല കവിത


    ശുഭാശംസകൾ.....

    ReplyDelete
    Replies
    1. ഈ വാക്കുകളിലെ സുഗന്ധം നുകരുന്നു..
      നന്ദി ..സ്നേഹം...

      Delete
  8. മനോഹരം ഭംഗി മാത്രം അല്ല നോവും

    ReplyDelete
    Replies
    1. നോവ്‌ പകുത്തതിനു നന്ദിയില്ല;
      ഒരു കുട്ട നിറയെ സ്നേഹം ... :)

      ബൈജു...

      Delete
  9. വേനലിന്റെ ജീവിത സുഗന്ധം
    ഉഷ്ണിച്ചും വിയര്‍പ്പു ഗ്രന്ഥികള്‍ ത്രസിച്ചും
    യാത്ര തുടരുന്നു .......
    നല്ല ആശംസകളോടെ
    @srus..

    ReplyDelete
    Replies
    1. നന്ദി..സ്നേഹം... വാക്കിനും വായനക്കും :)


      @ Asrus Irumbuzhi

      Delete
  10. ''മനോഹരമായ വരികള്‍ ''.

    ReplyDelete
  11. നന്നായിരിക്കുന്നുു.........

    ReplyDelete
    Replies
    1. വായനക്കും വാക്കിനും സന്തോഷം.. :)

      Delete
  12. ഉറഞ്ഞുയര്‍ന്ന വരികളില്‍
    മോഹിപ്പിക്കും ചുകപ്പു രാശി...rr

    ReplyDelete
  13. പൊള്ളിനീറിയ വാക്കുകളില്‍ നിന്നൂറി നിറയുന്ന കവിത...

    ReplyDelete
  14. Novu thingum venal bhaashyam manoharam

    ReplyDelete